Kardiologiya şöbəmiz ürək-damar xəstəliklərinin effektiv diaqnostikası, müayinə və müalicəsini yüksək ixtisaslı və təcrübəli həkimlər tərəfindən həyata keçirir. Şöbə ən müasir diaqnostik avadanlıqlarla təchiz olunub ki, xəstələrə tam və düzgün diaqnoz qoyulsun.
Aparılan kardioloji müayinələr:
• EKQ (Elektrokardioqrafiya)
• Exokardioqrafiya (EXO)
• Pediatrik EXO xidməti
Exokardioqrafiya (EXO) – ürəyin ultrasəs müayinəsi üsulu olub, səs dalğaları ilə görüntü yaradaraq həkimə ürəyin fəaliyyəti haqqında məlumat verir. Bu üsulla ürək əzələsi, boşluqları, qapaqları və ürək qüsurları haqqında məlumat əldə etmək mümkündür. Zərərsiz və təhlükəsiz üsuldur.
EKQ – elektrokardioqrafiya üsulu ürəyin yığılması zamanı yaranan elektrik aktivliyini ölçür. Ayaq, qol və döş qəfəsinə elektrodlar yerləşdirilərək tətbiq olunur. Ürəyin ritm pozuntuları, qanla təchizatı və hipertrofiyası kimi funksional problemlərin diaqnozunda istifadə olunur.