Səsin ilkin müayinəsi, xəstə otağa daxil olarkən həkim tərəfindən onun danışıq tərzi və ilk cümlələrinə əsasən aparılır. Artıq bu mərhələdə həkim səsdəki patologiyanın olub-olmadığı barədə ilkin təəssürat əldə edir.
Səs büküşləri qırtlaqda yerləşdiyindən, əvvəlki dövrlərdə bu sahənin vizual müayinəsi çətin idi. Hazırda isə bunun üçün müxtəlif növ müasir alətlər və cihazlar mövcuddur.
Səs fiziki hadisədir və onun özünəməxsus parametrləri var. Buna görə də, səsin fiziki göstəriciləri əvvəlcə yoxlanılır, sonra lazım gələrsə endoskopik müayinə aparılır.
Səsin müayinəsi necə aparılır?
• Bunun üçün xüsusi mikrofon istifadə olunur.
• Mikrofon xəstədən təxminən 20–30 sm məsafədə yerləşdirilərək analiz aparılır.
• Kompüter proqramı səsi qeyd edir, analiz edir və uyğun diaqramlar şəklində nəticə təqdim edir.
Xüsusi hallar
Əsasən oğlan uşaqlarında rast gəlinən “mutasion falset” (yeniyetməlik dövründə səsin dəyişməsi) adlı vəziyyət sadə səs analiz proqramları ilə qiymətləndirilə bilər.
Bu zaman xəstədən:
• Eyni səsi 6 saniyə ərzində saxlamaq,
• Qısa bir mətni oxumaq,
• Və ya 1-dən 10-a qədər saymaq tələb olunur.
Bundan əlavə, səs diapazonunu (registerini) yoxlamaq üçün fonitoqram adlı cihazdan istifadə olunur.