Rinoplastika
Üz quruluşu insanın ən çox nəzərə çarpan hissəsi olduğuna göre, üzdə olan hər hansı estetik problem insanın psixologiyasında dəyişiklik yarada bilər. Tibb sahəsində tətbiq olunan texnikaların inkişafı və yeni metodların meydana çıxması sayəsində burunun plastik əməliyyatları daha da asanlaşır. Eyni zamanda daha az fəsadla həyata keçirilir.
Çox hallarda estetik problemlərdən dolayı Rinoplastikaya müraciət edilsə də, bəzi hallarda estetik görünüşlə bərabər, sağlamlıq baxımından da götəriş ola bilər. Belə ki, burun quruluşunun forması bəzi hallarda rahat nəfəs alıb – verməni çətinləşdirir. Bu zaman estetik əməliyyatla həm sağlam nəfəs ala bilər, həm də gözəl görünüşə qovuşa bilər.
Rinoplastikada əsas hədəf xəstənin əməliyyat sonrasında tənəffüs sisteminin problemsiz işləməsidir. Əməliyyat əsnasında burun quruluşunun yenidən formalaşdırılması ( rekonstruksiya), forma dəyişikliyi və ya hər hansı bölgənin şəkil dəyişikliyi tətbiq olunur.
Rinoplastika əməliyyatından sonra nəticə 6 ay ilə 12 ay arasında əldə edilir. Bu müddət əməliyyat zamanı icra olunan prosedur sayından, burun daxili toxumanın quruluşundan asılıdır. Bəzi xəstələrdə tam istənilən formanın əldə olunması üçün kiçik müdaxilələrə də ehtiyac duyula bilər.
Burun ucunun estetik əməliyyatı
Burunun görünüşünə ən çox təsir edən hissələrdən biri burunun uc hissəsidir. Burunun uc hissəsinin formaları aşağıdakı kimi ola bilər:
• Burun ucunun çox geniş olması
• Sıxışdırılmış kimi görünən burun ucu
• Burun dəliklərinin simmetrik olmaması
• Burun ucunun aşağı və ya yuxarı olması
• İti quruluşlu burun ucu
Bu əməliyyat zamanı burun sümüyünə heç bir müdaxilə olunmur, ancaq burunun uc hissəsində yerləşən qığırdaq toxumasında əməliyyat aparılır. Rinoplastikadan daha yüngül keçən əməliyyatdır. Həmçinin əməliyyat müddəti də qısadır. 30 – 60 dəqiqə müddətində tamamlanır, sağalma müddəti də rinoplastikaya görə daha qısadır.
Cərrahi müdaxilə ilə burunda bir çox dəyişiklik yarana bilər. Burun böyüklüyünün dəyişdirilməsi, burun istiqamətinin dəyişdirilməsi, burun körpüsünün düzləşdirilməsi, burun ucunun yenidən formalaşdırılması, burun dəliklərinin formalaşdırılması kimi prosedurlar tətbiq olunur.
Burunun estetik əməliyyatı üçün müraciət edən xəstə ilk növbədə dəyərləndirilir. Həkim xəstənin hal – hazırda istifadə etdiyi dərmanlar, xəstəlikləri və xəstəlik hekayəsi ilə bağlı məlumat əldə edir. Xəstədə əməliyyata əks göstəriş olan hər hansı bir xəstəlik yoxdursa Rinoplastka əməliyyatı həyata keçirilə bilər.
Önəmli faktorlardan biri xəstənin əməliyyatdan iki həftə öncə və sonra aspirin, ibuprofen kimi QSİƏ ( qeyri – steroid iltihab əleyhinə ) vasitələrdən istifadə etməməsi tövsiyyə olunur.
Bundan əlavə əməliyyatdan öncə və sonrakı dövrdə tütün istifadəsinə məhdudiyyət qoyulmalıdır. Çünki tütün qan damarlarında gərilmə yaradaraq ora gələn qan miqdarının azalmasına səbəb olur. Bu səbəbdən sağalma periodunda ləngimə müşahidə edilir.
Əməliyyat iki saat müddətində davam edir. Ümumi anesteziya altında həyata keçirilir. Bəzi kiçik müdaxilələr zamanı yerli keyitmədən istifadə olunur.
Əməliyyatdan sonraki dövrdə güclü ağrılar olduğundan xəstəyə sıx fasilələrlə ağrikəsici tətbiq olunur. Əməliyyatdan sonra ilk 4 – 6 saat müddətində xəstənin ayağa qalxması tövsiyyə edilmir. İlk günlərdə xəstənin duru qidalardan istifadə etməsi tövsiyyə olunur.
İlk altı ay müddətində xəstənin idmanla məşğul olması məhdudlaşdırılır. Eyni zamanda eynək taxması da məsləhət görülmür.