Otoakustik emisiya
Orta qulaqda yerləşən eşitməni təmin edən üç sümükdən biri olan ilbiz adlı sümükdə aşağı tezlikli akustik siqnallar meydana gəlir. Buna otoakustik emisiya deyilir. İlbizdə meydana gələn bu aşağı tezlikli səslərin bir mikrofon köməkliyi ilə ölçülməsi metodudur.
Bu test ağrısız, oturaq pozisiyada tıxac formasında mikrofonun xarici qulağa yerləşdirilməsi ilə aparılır. Test zamanı xəstədən danışmaması və sabit durması tələb olunur.
Xarici qulaqda kir, tıxac olması halında testi yerinə yetirmək mümkün olmur. Eyni zamanda orta qulaq iltihabı, zərbə, təbil pərdəsinin retraksiyası, infeksiya, orta qulaqdakı mənfi təzyiq testin aparılmasına mane olur.
Otoakustik emisiya testi iki yöndə aparılır:
• Öz – özlüyündən otoakustik emisiya ( Spontan )
• Stimulyasiya edilmiş otoakustik emisiya ( Evoked )
Spontan emisiya stimulyasiya edici olmadan kiçik tezlikli və davamlı siqnallardır. Eşitmə qabiliyyəti normal olan insanların 50 % - ində rast gəlinir. Normal tezlikli səs dalğalarınının varlığında spontan otoakustik emisiya müşahidə edildiyindən bu növə əksər hallarda müraciət edilmir.
Stimulyasiya edilmiş otoakustik emisiya - qısa zaman ərzində ( 4-20 msn ) ötürülmüş kiçik tezlikli səs dalğalarına verilmiş reaksiyanın ölçülməsidir.
Klinikada tətbiq edilmə sahələri
• Yenidoğulmuşların eşitmə testi
• Akustik travma
• Eşitmə sinirinin cərrahiyyəsindən sonra
• Funksional eşitmənin itirilməsi
Test zamanı anesteziyaya ehtiyac duyulmadığından, test müddəti qısa olduğundan əlverişli üsul sayılır.