Qırtlaq səs büküşlərinin müayinəsi
Səsin ilk müayinəsi xəstə içəri daxil olarkən ilk cümlələrindən həkim tərəfindən aparılır. Artıq ilk cümlələrdən həkim xəstə ilə bağlı ilkin məlumata sahib olur, patoloji halın olub – olmadığını təxmin edə bilir. Səs büküşləri qırtlaqda yerləşdiyindən əvvəlki zamanlarda səs müayinəsini həyata keçirmək çətin hal almışdı. Hal –hazırda bunun üçün müxtəlif növdə alət və cihazlardan istifadə olunur.
Səs fiziki elementdir. Səsin özünəməxsus parametrləri var, bu səbəbdən ilk olaraq fiziki parametrləri yoxlandıqdan sonra endoskopik müayinəyə ehtiyac duyulur.
Səsin müayinəsi necə aparılır? Bunun üçün bir mikrofondan istifadə olunur. Mikrofon xəstədən 20 - 30 santimetr aralıda tutularaq analiz aparılır. Sistemdəki program səsi qeyd edir, analiz edir və uyğun diaqramlar çıxararaq həkimə məlumat verir.
Əsasən oğlan uşaqlarında rast gəlinən “mutasyon falset” adlı səs dəyişmə problemini isə bəsit səs yoxlayan tətbiqlər vasitəsilə tədqiq etmək mümkündür. Bu zaman xəstədən bir səsi 6 saniyə müddətində söyləməsi, hər hansı bir mətni oxuması və ya 1 – 10 arasında sayması tələb olunur.
Bundan başqa səs registerini də yoxlamaq mümkündür. Bunun üçün fonitoqram adlı cihazdan istifadə olunur.